Lui Van Qal mundiallarda yeganə məğlubiyyətini Argentinadan alıb

Niderland millisinin baş məşqçisi Lui Van Qal dünya çempionatlarında yeganə məğlubiyyətini Argentinadan alıb.

“Report”un məlumatına görə, 71 yaşlı mütəxəssis mundiallarda milli komandanı indiyə qədər 11 oyuna çıxarıb.

“Narıncılar” bu qarşılaşmaların 9-da qələbə qazanıb, 1-də heç-heçə edibsə, yeganə yenilgi DÇ-2014-ün yarımfinal mərhələsində Argentina ilə matçda olub. Əsas vaxtı 0:0 hesabı ilə nəticələnən oyunun penaltilər seriyasında rəqibini üstələyən (4:2) cənubi amerikalılar finala yüksəliblər.

Qeyd edək ki, Niderland yığması DÇ-2022-nin 1/4 final mərhələsində dekabrın 9-da Argentina ilə qarşılaşacaq.

Report.az

ƏVVƏLKİ XƏBƏR

Lavrov Bayramovla görüşdə etiket qaydasını pozdu

SONRAKI XƏBƏR

Dünyanın ən bahalı qəhvəsi Bali adasındadır