Bakı, 8 dekabr, AZƏRTAC
“Sumqayıt” futbol klubu Premyer Liqanın üçüncü dövrəsi üçün hazırlığını Antalyada keçirəcək.
AZƏRTAC kluba istinadla xəbər verir ki, gələn il yanvarın 5-dən 18-dək Lara bölgəsində yerləşən “Concord Deluxe” otelində məskunlaşacaq “Sumqayıt” bu müddət ərzində 2 yoxlama oyununda gücünü sınayacaq.
Yanvarın 12-nə və 17-nə nəzərdə tutulan qarşılaşmalardakı rəqiblər hələ müəyyənləşməyib.
Mənbə: azertag.az