Bakı. Trend:
Azərbaycanın paytaxtı Bakı ilk dəfə akrobatika gimnastikası üzrə dünya çempionatına ev sahibliyi edəcəkdir.
Trend-in Beynəlxalq Gimnastika Federasiyasının (FIG) saytına istinadən verdiyi məlumata görə, akrobatik gimnastika üzrə dünya çempionatı 2022-ci ildə keçiriləcək.
Bildirilir ki, gimnastika üzrə təqvimə gəldikdə, Azərbaycan seçim yeri olaraq qalır:
"2019-ci ildə bədii gimnastika üzrə Dünya Çempionatından, 2020-ci il aerobika gimnastikası üzrə çempionatından və 2021-ci il tamblinq üzrə dünya çempiotaından sonra Bakıda ilk dəfə Milli Gimnastika Arenasında 2021-ci ildə akrobatika gimnastikası üzrə dünya çempionatı keçiriləcək".
Qeyd edilir ki, 2-7 mart tarixlərində şəhərdə çempionatdan əvvəl yaş qrupları arasında dünya yarışları keçiriləcəkdir.
Mənbə: az.trend.az