İspaniya "Real Madrid"i Almaniyanın "Borussiya" (Dortmund) klubunun futbolçusu Cud Bellingemi transfer edib.
"Report" Dortmund təmsilçisinin rəsmi saytına istinadən xəbər verir ki, 20 yaşlı yarımmüdafiəçi "kral klubu" ilə 6 illik müqavilə imzalayacaq.
Madridlilər İngiltərə millisinin üzvü üçün "Borussiya"ya 103 milyon avro təzminat ödəyəcək. Oyunçunun yeni komandasında illik məvacibi isə təqribən 10-12 milyon avro təşkil edəcək.
Qeyd edək ki, Cud Bellingem ötən mövsüm Bundesliqa təmsilçisinin heyətində 31 oyuna 8 qol vurub və 5 məhsuldar ötürmə edib.
Mənbə: report.az
scorpion.az