Azərbaycan boksçusu dünya çempionatında mərhələ adlayıb

Rusiyanın Yekaterinburq şəhərində kişi boksçular arasında dünya çempionatı davam edir.

APA-nın məlumatına görə, mundialın üçüncü günündə Azərbaycan millisinin daha bir üzvü mübarizəyə qoşulub.

57 kq çəkidə qüvvəsini sınayan Tayfur Əliyev 1/32 final mərhələsində Tiaqo Puqno (İsveçrə) ilə üz-üzə gəlib. Döyüş təmsilçimizin asan qələbəsi ilə yekunlaşıb - 5:0 (30:27, 30:25, 30:26, 30:25, 30:26).

T. Əliyev 1/16 finalda ilk mərhələdən azad olan türkmənistanlı Yazmurat Qurbanovla qarşılaşacaq. Görüş sentyabrın 15-də keçiriləcək.

Qeyd edək ki, milli üzvlərindən Amin Kuşkov (75 kq) da 2 gün öncə ilk döyüşünü qələbə ilə başa vurub.

Apa.az

ƏVVƏLKİ XƏBƏR

“Sülh aylığı” çərçivəsində sülhün və insan hüquqlarının təbliğinə həsr olunmuş tədbir keçirilib

SONRAKI XƏBƏR

Deputat yaşayış olan evləri sakinlərin başına uçurdu – Video