Azərbaycan yığmasının futbolçusu Mahir Emreli Xorvatiya çempionu olub.
Bizim.Media xəbər verir ki, o, Zaqreb “Dinamo”sunun heyətində bu uğura imza atıb. Mahirin komandası 34-cü turda ən yaxın izləyicisi “Osiyek”i məğlub edərək (1:0), Xorvatiya çempionluğunu rəsmiləşdirib.
“Dinamo” sona 2 tur qalmış ən yaxın izləyicisini 7 xal qabaqlayıb. Zədədən dönən Emrelinin adı iştirak ərizəsinə daxil edilsə də, o, meydana çıxmayıb. Zaqreb klubu tarixində 35-ci dəfə Xorvatiya çempionu olub.
Qeyd edək ki, Mahir 2023/2024 mövsümündə Xorvatiya çempionatında 12 oyunda forma geyinib. Azərbaycanlı hücumçu bu görüşlərdə 4 qol vurub, 3 ötürmə edib.
Mənbə: bizim.media