"Brügge”nin rəisi Devi Riqo klubun "Qalatasaray”dan icarəyə götürdüyü Mbaye Dianenin intizamsız davranışı haqda fikirlərini bölüşüb.
Fanat.Az xəbər verir ki, Belçika mətbuatına danışan Riqo seneqallı hücumçunun özbaşınalıqlarından söhbət açıb:
"O, "Brügge”dən getsə də, bizimlə olmadığı müddətdə yoxluğunu hiss etmədik. Əksinə, komandada daha yaxşı mühit yarandı, hamı dərindən nəfəs aldı. Ab-havanı korlayan oyunçu kimə lazımdı ki... Diane olmayanda harda oynadığının fərqinə varan oyunçular da rahatlıq tapdı”.
Qeyd edək ki, afrikalı forvard heyətə düşmədiyi üçün ölkəsinə yollanmış, 1 ay "Brügge”nin məşqlərinə qatılmamışdı. Ancaq "Qalatasaray”ın da təzyiqlərindən sonra geri dönməyə qərar vermişdi.
Mənbə: www.fanat.az