İngiltərə klubunun baş məşqçisi pul qoyuluşlarına görə cəzalanıb

İngiltərə klubunun baş məşqçisi pul qoyuluşlarına görə cəzalanıb

İngiltərənin “Uimbldon” klubunun baş məşqçisi Uolli Dauns cəzalandırılıb.

APA-nın məlumatına görə, İngiltərə Futbol Assosiasiyası mütəxəssisi 4 həftəlik diskvalifikasiya edib.

Buna 58 yaşlı çalışdırıcının totalizatora pul qoyuluşu səbəb olub. O, 2013-14-cü illərdə 5, bu il isə 3 dəfə proqnoz verib.

U.Dauns 3 min funt sterlinq pul cəriməsi də ödəməlidir. Onun cəzası isə noyabrın 14-də başa çatacaq. Klub rəhbərliyi bundan sonra mütəxəssisin postunda saxlanıb-saxlanmaması ilə bağlı qərarını açıqlamayıb.

Mənbə: apa.az