Çempionlar Liqasının 4-cü turu çərçivəsində keçirilən “Bayern” – “Benfika” matçında meydan sahiblərinin azarkeşlərindən biri həyatını itirib.
“Qafqazinfo” ESPN-ə istinadən xəbər verir ki, buna səbəb tribunadakı sıxlıq olub.
Nəticədə fanatlardan biri huşunu itirib. Həkimlər onun həyatını xilas etmək istəsə də, bu mümkün olmayıb.
Hadisədən sonra azarkeşlər hörmət əlaməti olaraq stadionda sükut yaradıb.
Qeyd edək ki, qarşılaşma “Bavariya”nın 1:0 hesablı qələbəsi ilə başa çatıb.
Mənbə: qafqazinfo.az
scorpion.az