Türkiyə çempionatında it meydana girərək oyunu dayandırdı - VİDEO

Futbol üzrə Türkiyə I liqasının XXII turunda keçirilən "Fatih Karagümrük" - "Giresunspor" oyununda maraqlı hadisə baş verib.

"Report" "NTV"yə istinadən xəbər verir ki, matçın gedişində meydana daxil olan it oyunun dayanmasına səbəb olub.

Meydan sahiblərinin futbolçusu cərimə zərbəsini yerinə yetirməyə hazırlaşarkən topa yaxınlaşan it onunla oynamağa başlayıb. Bir müddət topu heç kimə vermək istəməyən "dəvətsiz qonağ"ı futbolçular aldadaraq meydandan çıxarsalar da, o, yenidən geri qayıdıb. Bu dəfə "Fatih Karagümrük" klubunun kapitanı iti qucağına alaraq meydanın kənarına aparıb. Üçüncü dəfə meydana daxil olan it sonda mühafizəçilər tərəfindən oradan uzaqlaşdırılıb.

Qeyd edək ki, qarşılaşma meydan sahiblərinin 2:1 hesablı qələbəsi ilə başa çatıb.

 

Report.az

ƏVVƏLKİ XƏBƏR

Ankarada Xocalı soyqırımı mövzusunda konfrans keçirilib

SONRAKI XƏBƏR

Yəməndən gələn çəyirtkə hücumu Səudiyyədə ciddi fəsadlar törədib