"Liverpul" "Leyptsiq"in futbolçusu Timo Vernerlə transfer danışıqları aparır.

Qol.az Britaniya mətbuatına istinadən xəbər verir ki, İngiltərə klubu 23 yaşlı hücumçuya ilinə 5 milyon avro qazanacağı və 2025-ci ilin yayında başa çatacaq müqavilə təklif edib.

"Liverpul" alman oyunçunun təzminat qiyməti olan 58 milyon avronu ödəməyə hazır olduğu iddia olunub.

Qeyd edək ki, T.Verner bu mövsüm Bundesliqda 23 matçda 21 qol vurub, 7 qolun ötürməsini verib.

Mənbə: qol.az