İtaliya A seriyasında XXVI turun 5 oyunu keçirilməyəcək.
Apasport.az saytının məlumatına görə, İtaliya Futbol Federasiyası ölkədə koronavirusun yayılması səbəbindən bu gün və sabah oynanılmalı olan həmin matçları təxirə salmaq qərarına gəlib.
Bunlar "Udineze" - "Fiorentina", "Milan" - "Cenoa", "Parma" - "Spal", "Sassuolo" - "Breşiya" və "Yuventus" - "İnter" qarşılaşmalarıdır. Federasiya həmin görüşlərin mayın 13-də keçiriləcəyini açıqlayıb.
Qeyd edək ki, "Yuventus" hazırda 60 xalla turnir cədvəlinə başçılıq edir, "İnter" isə aktivindəki 54 xalla üçüncü pillədə qərarlaşır.
Mənbə: apa.az