"Sampdoriya"nın daha bir futbolçusu koronavirusa yoluxdu

İtaliyanın "Sampdoriya" klubunun futbolçusu Edqar Barretonun koronavirus testi müsbət nəticə verib.

"Report"un "Football Italia"ya istinadən məlumatına görə, 36 yaşlı paraqvaylı yarımmüdafiəçinin xəstəliyə həyat yoldaşı ilə birgə yoluxduğu müəyyənləşib. Hər iki şəxs dərhal karantinə alınıb.

Daha əvvəl komandanın digər oyunçusu Yakub Yankto klubda 15 nəfərin testinin müsbət nəticələndiyini açıqlayıb.

Qeyd edək ki, son məlumatlarda koronavirusun dünyada 435 006 nəfərdə təsdiqləndiyi bildirilir. Ölənlər 19 625, sağalanlar 111 822 nəfərdir. COVID-19-un əsas yayılma ocaqları Çin, İtaliya, ABŞ, İspaniya, Almaniya, İran və Fransadır.

Report.az

ƏVVƏLKİ XƏBƏR

Almanlar COVID-19-a qarşı vaksin yaradılmasında birinci olacaqlarmı?

SONRAKI XƏBƏR

"Viber" təchizatçıları "Android" və "iOS" üçün yeniliklər əlavə edib