Serxio Ramos koronavirusla mübarizəyə qoşuldu

Dünyada sürətlə yayılan koronavirus pandemiyası ilə mübarizəyə daha bir ulduz futbolçu qoşulub.

Milli.Az komanda.az-a istinadən xəbər verir ki, Madrid "Real"ının kapitanı Serxio Ramos da belə bir nəcib təşəbbüslə diqqət mərkəzinə düşüb.

İspaniyalı təcrübəli futbolçu bu barədə sosial şəbəkə hesabında məlumat paylaşıb. O, 264 571 maska, 15 min test və 1000 qoruyucu geyim dəsti alıb. O, bu işi UNİCEF-in dəstəyi ilə gördüyünü də diqqətə çatdırıb. Ramosun sözlərinə görə, bütün bu ləvazimatlar martın 27-də İspaniyaya çatdırılacaq.

UNİCEF də bu barədə rəsmi açıqlama yayıb və bu yardımı üçün ispaniyalı ulduz futbolçuya təşəkkür edib.

Qeyd edək ki, İspaniya Avropada İtaliyadan sonra koronavirus qurbanlarının sayına görə ikinci yerdədi.

Milli.Az

Milli.az

ƏVVƏLKİ XƏBƏR

Deputat: Dövlətimizin həyata keçirdiyi tədbirlərin məğzində Azərbaycan vətəndaşının mənafeyi dayanır

SONRAKI XƏBƏR

Tokionun qubernatoru yeni koronavirusa görə paytaxt sakinlərini istirahət günlərində evdə qalmağa çağırıb