"Marakana" hospitala çevrildi

Dünyanın ən böyük stadionlarından olan “Marakana” koronavirusa yoluxmuş insanlar üçün sahə hospitalı kimi fəaliyyət göstərəcək.

Qol.az CNN-ə istinadən xəbər verir ki, Braziliya millisi, “Fluminense” və “Flamenqo”nun ev oyunlarını keçirdiyi Rio-de-Janeyrodakı arenada xəstələrə tibbi yardım göstəriləcək.

Xəstələrin stadiondakı otaqlarda yerləşdiriləcəyi, lazım gələrsə, arenanın meydançasından da istifadə olunacağı bildirilib.

Qeyd edək ki, 78 min tamaşaçı tutumuna malik olan “Marakana”da 2014-cü ildə dünya çempionatının final matçı, 2016-cı ildə isə Yay Olimpiya və Paralimpiya Oyunları keçirilib.

Qol.az

ƏVVƏLKİ XƏBƏR

Aydın Mirzəzadə: Hər kəsin bacardığı qədər evdə qalması, insanlarla az təmasda olması vacibdir

SONRAKI XƏBƏR

Gürcüstan: “70-dən çox insan koronavirusa tutulub, 5-i azərbaycanlıdır”