“Çelsi” daha iki futbolçunu göndərir

İngiltərənin “Çelsi” klubu yayda iki futbolçusu ilə yolları ayırmağa qərar verib.

Lent.az -ın Britaniya mətbuatına istinadən məlumatına görə, söhbət Emerson və Viktor Mozesdən gedir.
London təmsilçisi hər iki oyunçunun transferindən ayrı-ayrılıqda ən az 30 milyon avro qazanmaq niyyətindədir. Klub rəhbərliyi həmin məbləğə isə sağ cinah müdafiəçisi almağı planlaşdırır.
Emerson “Çelsi”yə 2018-ci ildə, hazırda icarə əsasında “İnter”də çıxış edən Mozes isə 2012-ci ildə keçib.

Qeyd edək ki, bundan öncə “Çelsi”nin Villian, Pedro, Olivye Jiru və Villi Kabalyero ilə yeni müqavilə bağlamayacağı açıqlanmışdı.

Lent.az

ƏVVƏLKİ XƏBƏR

Azərbaycanın Xalq artistinin qızı və kürəkəni karantinə alındı

SONRAKI XƏBƏR

"Qızımın artıq 20 yaşı var, ona qarışa bilmirəm" - FOTOLAR