"Real"ın vingeri Lukas Vaskes yayda komandadan ayrıla bilər.

Fanat.Az "As" nəşrinə istinadən xəbər verir ki, "Real" rəhbərliyi Vaskesə yeni müqavilə təklif etmək niyyətində deyil. İspan futbolçunun sözləşməsi 2021-ci ilə kimi nəzərdə tutulub.

Madrid klubunun rəsmiləri mövsümün sonunda Vaskeslə görüşərək onun gələcəyini müzakirə etmək istəyirlər. 28 yaşlı futbolçunun qarşısında iki seçim var: bu yay "Real"ı tərk etmək və ya daha bir mövsüm komandada çıxış etdikdən sonra 2021-ci ilin yayında azad agent kimi ayrılmaq.

Cari mövsümdə 18 matçda meydana çıxan Vaskesin aktivində 3 qol və 1 məhsuldar ötürmə var.

Mənbə: fanat.az