Serbiyalı məşqçi Radomir Antiç ölüb

İspaniyanın “Atletiko”, “Real” və “Barselona” klublarının sabiq baş məşqçisi Radomir Antiç ölüb.

Apasport.az saytının məlumatına görə, serbiyalı mütəxəssis 72 yaşında vəfat edib.

Futbolçu kimi Yuqoslaviyada milli komanda, həmçinin “Sloboda” və “Partizan”da çıxış etmiş Antiç Türkiyədə “Fənərbaxça”, İspaniyada “Saraqosa”, İngiltərədə “Luton” klubunda legioner həyatı yaşayıb. Məşqçi karyerasına “Partizan”da köməkçi kimi başlayan mütəxəssis “Saraqosa”, “Real”, “Ovyedo”, “Atletiko”, “Barselona” və “Selta”ya rəhbərlik edib. 2008-10-cu illərdə Serbiya yığmasını çalışdıran Antiçin son iş yeri 2012-13-cü illərdə işlədiyi Çinin “Şandun Lunen” klubu olub.

Qeyd edək ki, serbiyalı 1995/96 mövsümündə “Atletiko” ilə İspaniya çempionu və kubokunun qalibi olub.

Apa.az

ƏVVƏLKİ XƏBƏR

Telefonuna baxarkən qatar yoluna düşən qadın ölümdən son anda xilas oldu (VİDEO)

SONRAKI XƏBƏR

Fransada son 24 saatda 833 nəfər koronavirusdan ölüb