Dünən Türkmənistanın paytaxtında və bölgələrində kütləvi velosiped yürüşləri baş tutub.

KONKRET.az-ın Mərkəzi Asiya ölkələri üzrə bürosu xəbər verir ki, Aşqabaddakı yürüş 3,5 min nəfərin iştirakı ilə keçib.

Marşrutun uzunluğu 15 kilometr olub. Ümumilikdə, Türkmənistanda, təşkilatçıların hesablamalarına görə, kütləvi velosiped yürüşlərində 7000 nəfər iştirak edib. Türkmənistan Prezidenti Qurbanqulu Berdiməhəmmədovdan nümunə götürərək minlərlə Türkmənistan vətəndaşı Ümumdünya Sağlamlıq Günü çərçivəsində bütün Türkmənistanda təşkil edilən çoxsaylı bədən tərbiyəsi və idman tədbirlərinə başlayıb.

“Dünyanın bir çox ölkəsində koronavirusla bağlı vəziyyətin gərgin olduğu bir vaxtda Türkmənistanda görülən tədbirlər sayəsində epidemioloji durum təmin edildi. Yoluxma hallarının qarşısı alındı ​​və profilaktik tədbirlər davam etdirildi. Buna görə Ümumdünya Səhiyyə Gününün qeyd edilməsi geniş yayıldı” deyə nəşr xəbər verir.

7 aprel tarixində Olimpiya şəhərciyinin idman komplekslərində hökumət üzvlərinin, nazirliklər və sənaye idarələrinin rəhbərlərinin, eləcə də ictimai təşkilatların iştirakı ilə kütləvi fiziki-idman və istirahət tədbirləri keçirilib, proqrama – futzal, basketbol, ​​tennis, fitness, gimnastika, voleybol, şahmat, boulinq və atletika üzrə yarışlar daxil edilib.

KONKRET.az

Mənbə: konkret.az