Məhkəmədən Liqa 1-in erkən dayandırılması ilə bağlı qərar

Koronavirus pandemiyasına görə bir müddət əvvəl erkən dayandırılmasına qərar verilən futbol üzrə Fransa çempionatları ilə bağlı etirazlar rədd olunub.

Qol.az xəbər verir ki, bu barədə Fransa Peşəkar Futbol Liqasının (LFP) rəsmi saytı məlumat yayıb.

Xəbərdə bildirilir ki, “Olimpik” (Lion), “Amyen” və “Tuluza” klubları LFP-nin bu qərarı ilə bağlı məhkəməyə müraciət edib. Lakin Paris məhkəməsi ötən gün bu etirazı rədd etdiyini açıqlayıb.

Qeyd edək ki, Liqa 1-də 2019/20 mövsümü ölkədəki sərt karantin rejimi ilə əlaqədar erkən dayandırılıb və lider PSJ çempion elan olunub. Son iki pillədə qərarlaşan “Amyen” və “Tuluza” isə Liqa 2-yə düşürülüb.

Qol.az

ƏVVƏLKİ XƏBƏR

Dünya çempionu parkda spirtli içki qəbul etdiyi üçün saxlanıldı

SONRAKI XƏBƏR

Azərbaycan və Türkmənistan Xəzərin dibi ilə kabel xəttinin çəkilməsi şərtlərini müzakirə edib