Poçettino qayıdır: "Başqa ölkələrdən gələcək təklifləri dəyərləndirməyə hazıram"

"Tottenhem"in sabiq baş məşqçisi Maurisio Poçettino işinin başına dönməyə hazırdı.

Fanat.Az xəbər verir ki, argentinalı mütəxəssis "Sky Sports"a müsahibəsində təkliflərə açıq olduğunu bildirib:

"Məşqçiliyə nə vaxt qayıdacağımı dəqiq bilmirəm. Əsas odur ki, biz hazırıq. Təkliflərə açığıq.

Premyer Liqa klubunda işləmək? İngiltərəni sevirəm. Londonda yaşamağa davam etmək istəyirəm. Amma eyni zamanda, digər ölkələrdən gələcək təklifləri dəyərləndirməyə də hazıram.

Daim irəli hərəkət etmək, yeni reallıqlara uyğunlaşmaq lazımdı. Futbolda ən önəmli şey budu. Əlbəttə, 5 il yarım işlədiyin klubdan ayrılmaq ağırdı. Klubu inkişaf etdirmək və hədəflərimizə çatmaq üçün çox çalışdım. Amma bu, futboldu. Hər şey bir göz qırpımında baş verir. Gələcəyi düşünmək lazımdı. Artıq ağrılı dönəmi geridə qoymuşuq. Bərpa prosesi uğurla tamamlanıb. Enerjimiz çoxdu, biliyimizdən yeni layihələrdə faydalanmağa və futbol ehtirasımızı nümayiş etdirməyə hazırıq".

Qeyd edək ki, "Tottenhem" ötən ilin noyabr ayında Poçettinonu istefaya göndərmişdi.

Fanat.az

ƏVVƏLKİ XƏBƏR

Türkiyədə avtomobil elektrik dirəyinə çırpılıb, 3 azərbaycanlı ölüb

SONRAKI XƏBƏR

Azərbaycan-Almaniya dostluq qrupunun rəhbəri Berlinin Qarabağ separatçıları ilə bağlı qərarını şərh etdi