Soni Mustivarı

"Sabah" klubu mövsümün sonunda "Neftçi"dən ayrılacağı gözlənilən Soni Mustivarın mümkün transferi ilə bağlı yayılan xəbərə münasibət bildirib.

Masazır təmsilçisinin Mətbuat xidmətinin rəhbəri Elnur Həmidov "Report"a açıqlamasında haitili yarımmüdafiəçi ilə maraqlanmadıqlarını sözləyib.

Onun sözlərinə görə, Mustivarla bağlı xəbərlər həqiqəti əks etdirmir: "Sözügedən futbolçu ilə heç bir danışıq aparmamışıq".

Qeyd edək ki, Soni Mustivar 2018/2019 mövsümünün əvvəlində "Neftçi"yə keçib. Onun "ağ-qaralar"la müqaviləsi 2020-ci il iyunun 30-da başa çatacaq.

Mənbə: report.az