"Leykers"in basketbolçusu Lebron Ceyms də Corc Floydun ölümünə səssiz qalmayıb.

Fanat.Az xəbər verir ki, Ceyms sosial media hesablarında, üzərində "I can't breathe" ("Mən nəfəs ala bilmirəm" - Fanat.Az) yazılmış köynəklə olan fotosunu paylaşıb.

Bazar ertəsi ABŞ-ın Minnesota ştatının Minneapolis şəhərində polis məmuru Corc Floydu yaxaladıqdan sonra dizini onun boynuna dayamışdı. Təxminən 8 dəqiqə bu vəziyyətdə qalan Floyd dünyasını dəyişmişdi. 46 yaşlı mərhum son anlarında "Mən nəfəs ala bilmirəm" cümləsini işlətmişdi.

Ceymsin paylaşdığı foto 2014-cü ilə aiddi. O zaman başqa bir qaradərili - Erik Qarnerin polislə münaqişə zamanı öldürülməsinə məhkəmənin səssiz qalması ulduz basketbolçu və həmkarlarının qəzəbinə səbəb olmuşdu.

Mənbə: fanat.az