İspaniyanın "Barselona" klubunun futbolçusu Lionel Messi La Liqanın XXVIII turunda qarşılaşacaqları "Malyorka" ilə matçda iştirak etməyə bilər.

"Report" "La Sexta"ya istinadən xəbər verir ki, 33 yaşlı hücumçu bud əzələsində narahatlıq hiss edir.

Daha əvvəl argentinalı oyunçunun idman zalında fərdi məşq etdiyi və yaxın günlərdə ümumi məşqlərə başlaya biləcəyi deyilirdi.

Martda koronavirus pandemiyası səbəbindən dayandırılmış İspaniya La Liqasının iyunun 11-də bərpa olunacağı açıqlanıb. "Barselona" "Malyorka" ilə iyunun 13-də qarşılaşacaq.

Mənbə: report.az