"Barselona"nın yarımmüdafiəçisi İvan Rakitiç "Sevilya"ya qayıda bilər.
Fanat.Az "Mundo Deportivo"ya istinadən xəbər verir ki, "Sevilya" Rakitiçin xidmətində maraqlıdı. Lakin xorvatiyalının "Barsa" ilə olan müqaviləsinin 2021-ci ilə kimi nəzərdə tutulması "əndəluslar"ın işini çətinləşdirir.
"Sevilya" bu yay transferi reallaşdırmaq üçün 15-20 milyon avro ödəməli olacaq. Bu məbləğ rəhbərliyi qane etmir. Bununla belə, Rakitiç keçmiş klubunun işini asanlaşdırmaq üçün məvacibində endirim etməyə hazırdı.
32 yaşlı futbolçu 2011-2014-cü illər aralığında "Sevilya"da çıxış edib və 149 matçda 32 qol, 41 məhsuldar ötürmə ilə yadda qalıb.
Fanat.Az
Mənbə: www.fanat.az