İtaliyanın daha bir klubu "Neftçi"nin sabiq baş məşqçisi Roberto Bordinlə maraqlanır.

"Report" "Tuttoc" nəşrinə istinadən xəbər verir ki, C seriyasında mübarizə aparan "İmolese" komandanı 55 yaşlı mütəxəssisə həvalə etmək niyyətindədir.

Bordin ötən gün klubla yollarını ayıran Canluka Atsorini əvəzləyə bilər.

Qeyd edək ki, daha əvvəl C seriyasındakı "Sambenedetteze" klubunun da Roberto Bordini baş məşqçi vəzifəsinə təyin edə biləcəyi yazılıb. İtaliyalı baş məşqçi 2018-ci ildən bu ilin əvvəlinə qədər “Neftçi”də işləyib. O, 2018/2019 mövsümündə Azərbaycan çempionatında gümüş medal qazanıb.

Mənbə: report.az