Futbolçular qol sevincini fərdi qeyd etmələdirlər - PFL

Futbolçular qol sevincini fərdi qeyd etmələdirlər - PFL

Bakı. Asif Mehman - Trend:

Peşəkar Futbol Liqası (PFL) COVID-19 pandemiyası səbəbindən mart ayından etibarən dayandırılmış 2019/2020-ci illər mövsümünün Əsasnaməsinə əlavə edib.

Trend-in məlumatına görə, əsasnaməyə dəyişikliklərdən sonra oyunçulara qol sevincini fərdi qeyd etmələri tövsiyə olunur. Oyundan sonra sağollaşmalar təmassız edilməlidir. Həmçinin soyunub-geyinmə və duş otaqlarında sosial məsafənin qorunması, eləcə də meydan sahibi komandanın oyunçularına klubun bazasındakı otaqlarda duş qəbul etmələri tövsiyə olunur.

Stadionda, bazada, informasiya lövhəsində koronavirus pandemiyasından qorunmağın yolları haqqında məlumatlar öz əksini tapmalıdır.

Mənbə: az.trend.az