Dubayda keçirilməli olan yarış Bakıda təşkil olunacaq

Azərbaycanda karate üzrə Premyer Liqa yarışı keçirilə bilər.

Bu barədə Oxu.Az-a Azərbaycan Milli Karate Federasiyasının prezidenti Yaşar Bəşirov məlumat verib:

“Bildiyiniz kimi, bu ilin noyabrında BƏƏ-nin Dubay şəhərində keçirilməli olan dünya çempionatı gələn ilə təxirə salınıb. Həmin il isə fevralda həm də Dubay Premyer Liqası yarışı var. Lakin Ümumdünya Karate Federasiyasının prezidenti Antonio Espinos bir ildə Dubayda iki yarışın təşkil olunmaması üçün bizə jest edib.

Bu il Bakıdakı Avropa çempionatı ləğv olunduğu üçün hər ilin mart ayında keçirdiyimiz Baku Open beynəlxalq turniri bu dəfə Premyer Liqa kimi təşkil olunacaq. Gələn il 12-14 mart tarixlərində XII Baku Open yarışı Premyer Liqanı əvəzləyəcək. Həmin yarışın Olimpiadaya lisenziya verib-verməməsi daha sonra müəyyənləşəcək”.

Oxu.az

ƏVVƏLKİ XƏBƏR

ABŞ bir neçə ölkəyə ixracı sərtləşdirdi

SONRAKI XƏBƏR

Qubanın səkkiz ucqar kəndində modul tipli məktəb binaları quraşdırılır