Bakı, 5 iyul, Nicat Məmmədov, AZƏRTAC

İyulun 4-də futbol üzrə İngiltərə Premyer Liqasının 33-cü turunun növbəti oyunu keçirilib.

AZƏRTAC xəbər verir ki, turnir cədvəlin lideri “Liverpul” öz meydanında “Aston Villa”nı qəbul edib.

“Enfild” stadionunda oynanılan görüş meydan sahiblərinin 2:0 hesablı qələbəsi ilə başa çatıb.

Oyunda hesabı Sadio Mane 74-cü dəqiqədə açıb. Son nöqtəni 89-cu dəqiqədə Kertin Jons qoyub.

Çempionuğunu vaxtından əvvəl təmin etmiş “Liverpul” aktivinə 89-cu xalı yazıb. “Aston Villa” isə 27 xalla 18-ci yerdə qərarlaşıb.

Mənbə: azertag.az