Baş məşqçi axtarışında olan "Betis" Manuel Pelleqrini ilə anlaşıb.

Apasport.az saytının məlumatına görə, La Liqa təmsilçisi çilili mütəxəssisi mövsümün sonunda komandanın sükanı arxasına gətirəcək.

Tərəflər 2+1 illik müqavilədə ortaq məxrəcə gəliblər. Pelleqrini 5 milyon avro nəğd maaş alacaq və rəhbərlik yüksək məbləğdə transfer büdcəsi ayıracaq. "Fənərbaxça" və "Valensiya"nın təklifini qəbul etməyən 67 yaşlı çalışdırıcı mövsüm başa çatdıqdan sonra rəsmi müqaviləyə qol çəkəcək.

Qeyd edək ki, "Betis"i hazırda müvəqqəti olaraq Aleksis Truxilyo çalışdırır. Komanda 34 turdan sonra 38 xalla turnir cədvəlinin 14-cü pilləsində qərarlaşır.

Mənbə: apa.az