VAR sisteminin Avropa Liqasının qrup mərhələsində tətbiqi təxirə salınıb.

Apasport.az saytının məlumatına görə, bu barədə qərarı UEFA-nın İcraiyyə Komitəsi verib.

Bu yenilik yalnız 2021/22 mövsümündən qüvvəyə minəcək. Cari və növbəti mövsümdə isə VAR-dan yalnız pley-offda – qrup mərhələsindən sonrakı mərhələlərdə istifadə olunacaq.

Öncədən VAR-ın növbəti mövsümdən Avropa Liqasının qrupunda tətbiqi planlaşdırılırdı. Lakin UEFA bu fikirdən imtina edib.

Buna səbəb koronavirus pandemiyasıdır. VAR sisteminin tətbiqi zamanı əlavə personala ehtiyac var. UEFA isə matçlarda mümkün qədər az adamın olmasının tərəfdarıdır.

Mənbə: apa.az