"Qalatasaray" norveçli futbolçu ilə anlaşıb

"Qalatasaray" norveçli futbolçu ilə anlaşıb

Mövsümün sonunda heyətində ciddi dəyişikliklər edəcək "Qalatasaray"ın daha bir transferi müəyyənləşib.

Apasport.az saytının məlumatına görə, Türkiyə klubu "Olimpiakos"un sağ cinah müdafiəçisi Omar Elabdellauini heyətinə qatıb.

Yunanıstan təmsilçisi ilə müqavilə müddəti başa çatan 29 yaşlı oyunçu "cim-bom"a havayı başa gəlib. Norveç millisinin üzvü mövsüm başa çatan kimi Super Liqa klubu ilə münasibətləri rəsmiləşdirəcək. Onun illik məvacibi 1,5 milyon avro olacaq.

Qeyd edək ki, "Qalatasaray" buna qədər Əmrə Kılınç, Oğulcan Çağlayan və Kərəm Aktürkoğlunu transfer edib.

Mənbə: www.bizimyol.info