Türkiyə ilə dostluq görüşündə Azərbaycan komandası üstünlüyü ələ alıb

Bakı, 8 avqust, AZƏRTAC

Avqustun 8-də Azərbaycan və Türkiyə milli komandaları arasında “Bir millət, iki dövlət” şüarı altında internet üzərindən sürətli şahmat üzrə dostluq görüşü start götürüb.

AZƏRTAC xəbər verir ki, yarışın ilk günündə iki partiyanın oyunları keçirilib. Hər iki partiyada üstünlüyü ələ alan Azərbaycan yığması nəticədə 8,5:3,5 xalla birinci yarış gününü qələbə ilə başa vurub. Komandaya ən çox xalı hər iki partiyada qələbə əldə edən Xanım Balacayeva qazandırıb. Teymur Rəcəbov, Gülnar Məmmədova, Vüqar Əsədli 1,5 xal, Şəhriyar Məmmədyarov və Günay Məmmədzadə hərəyə 1 xal əldə ediblər.

Qeyd edək ki, reqlamentə görə, hər partiyaya 15 dəqiqə vaxt verilir və hər gedişə 5 saniyə əlavə olunur. Turnir üç gün davam edəcək.

Azertag.az

ƏVVƏLKİ XƏBƏR

“Yuventus”un yeni baş məşqçisi Pirlo oldu

SONRAKI XƏBƏR

Sumqayıtda qəzet redaktoru vəfat etdi -FOTO