"İmkanımız olsaydı, belə seçim etməzdik" - "Şkupi"nin məşqçisi

“Dörd komandamızdan üçü Azərbaycana gedir. Əgər rəqib seçmək imkanına malik olsaydıq, belə seçim etməzdik”.

Qol.az xəbər verir ki, bu sözləri "Neftçi"nin Avropa Liqasının 1-ci təsnifat mərhələsindəki rəqibi “Şkupi”nin məşqçisi Muarem Bayrami deyib.

O, Şimali Makedoniya klubunun rəsmi saytına açıqlamasında püşkünü dəyərləndirərkən ehtiyatlı danışıb: “Bu, qismətimizdir. “Neftçi” evdə oynadığı üçün üstünlüyə malik ola bilər. Amma biz də öz şansımızı axtaracağıq. Əmin olun ki, burada heç bir tapmaca yoxdur. Oyunun keçiriləcəyi günə kifayət qədər vaxt var. Yaxşı hazırlaşmaq, rəqibi analiz etmək olar. “Reyncers” və “Pünik”lə son illərdəki oyunlarda uduzsaq da, yaxşı oynamağı bacardığımızı göstərdik. Mən yalnız gərgin mübarizə vəd edə bilərəm. Ümid edirəm ki, Makedoniya futbolunu Avropada layiqincə təmsil edəcəyik”.

Qeyd edək ki, “Neftçi” – “Şkupi” matçı avqustun 27-də keçiriləcək.

Qol.az

ƏVVƏLKİ XƏBƏR

Ermənilər İrəvanda yəhudiləri təhqir etdilər

SONRAKI XƏBƏR

Türkiyənin “Oruç Reis” kəşfiyyat-axtarış gəmisi Aralıq dənizinin şərqində fəaliyyət göstərəcək