İngiltərənin “Liverpul” klubu heyətinə yeni futbolçu qatıb.

Apasport.az saytının məlumatına görə, Premyer Liqanın çempionu yunanıstanlı müdafiəçi Kostas Simikası transfer edib.

24 yaşlı futbolçu 21 nömrəli futbolka ilə çıxış edəcək. Mersisaydlılar müdafiəçi üçün “Olimpiakos”a 11,7 milyon funt sterlinq ödəyib.

Qeyd edək ki, Simikas ötən mövsüm bütün turnirlərdə ümumilikdə 41 oyun keçirib.

Mənbə: apa.az