Tesla sürücülərini gözləyən gizli təhlükə - 5 ilə sıradan çıxa bilər

Məşhur elektromobil istehsalçısı Tesla nəqliyyat vasitələrindəki sensor ekran panelləri ilə bağlı böyük problemlə üzləşib. Aşkarlanan nasazlığın əslində son dərəcə təhlükəsizlik riski yaratdığı bildirilir.

Milli.Az ted.az-a istinadən bildirir ki, ABŞ Milli Quru Yolları Trafik Təhlükəsizliyi İdarəsi (NHTSA) dünən Tesla-ya sensor ekranı qəzasının təhlükəsizlik riski yaratdığına dair məktub göndərib.

Məktubda elektromobillərdəki sensor ekranı probleminin arxa görünüş kameraları və defrostların işdən çıxmasına səbəb ola və təhlükə yarada biləcəyi qeyd edilib. Həmçinin vurğulanıb ki, ekranlar 5-6 il ərzində sıradan çıxa bilər. Bununla yanaşı, duman və buz təmizləmə sisteminin olmaması sürücünün soyuq havada görmə qabiliyyətini azaldar və qəzaya səbəb olar.

Məktubda bildirilib ki, Tesla-ya məsələ ilə bağlı 12 mindən çox müştəri şikayəti, zəmanət istəyi daxil olub.

Xatırladaq ki, NHTSA 19 noyabr 2019-cu ildə Model S-də sensor ekranı ilə bağlı problem aşkarlandığı barədə xəbərdarlıq edib.

Milli.az

ƏVVƏLKİ XƏBƏR

Dövlət katibi vəzifəsinə namizəd Antoni Blinken: ABŞ Çini `üstələyə bilər`

SONRAKI XƏBƏR

Elmə məlum olmayan yırtıcılar tapıldı