ABŞ Hərbi Dəniz Qüvvələri GQM-163A “Coyote” adlı hədəf PUA-ları istehsal etməsi üçün “Northrop Grumman” şirkəti ilə müqavilə imzalayıb. Ordu.az xəbər verir ki, bu barədə ABŞ Müdafiə Nazirliyi məlumat yayıb.

Bildirilir ki, müqavilənin ümumi dəyəri 55.5 milyon dollardır.

Müqaviləyə əsasən, şirkət ABŞ və Yaponiya üçün təyyarə ölçüsündə olan 15 hədəf PUA-sı istehsal edəcək.

GQM-163A “Coyote” gəmi əleyhinə qanadlı raketləri simulyasiya etmək, gəminin hava hücumundan müdafiə sistemlərini sınaqdan keçirmək üçün nəzərdə tutulan səsdən sürətli hədəf PUA-larıdır.

Sevinc Əliyeva

Mənbə: ordu.az