Ukrayna Silahlı Qüvvələri uzun mənzilli, iri çaplı “Aliqator” tüfəngələrini xidmətə qəbul edib.
Ordu.az xəbər verir ki, bu barədə Ukraynanın “ArmyInform” xəbər agentliyi məlumat yayıb.

Bildirilir ki, tüfənglərin dövlət sınaqları ötən ilin sonunda keçirilib. Sınaqların uğurla başa çatdığı bildirilir.

Silahın bütün hissələri Ukrayna silah istehsalçıları tərəfindən hazırlanıb.

14.5x114 kalibrli mərmilərdən istifadə edən silahın təsirli məsafəsi 2000 metrə qədərdir. Yüngül zirehli maşınlar da daxil olmaqla düşmən istehkamlarını və texnikalarını məhv etmək qabiliyyətində olan “Aliqator” 1,5 kilometr məsafədə 10 mm qalınlığında olan zirehi deşə bilir.

Mənbə: ordu.az