Polşa Silahlı Qüvvələri “Warmate” adlı kamikadze PUA-larını istifadəyə verib. Ordu.az xəbər verir ki, bu barədə Polşanın “Defence24” nəşri yerli mənbələrə istinadən məlumat yayıb.

Polşanın “WB GROUP Electronics” şirkəti 2017-ci ildə 1.000 ədəd “Warmate” kamikaze PUA-larının çatdırılması üçün müqavilə imzalayıb. PUA-ların ilk partiyası 2018-ci ildə tədarük edilib.

Müxtəlif konfiqurasiyalarda bir kiloqrama qədər partlayıcı maddə daşıya bilən “Warmate” avtomobilə və ya mərkəzi idarəetmə sisteminə sahib hər hansı bir vasitəyə quraşdırıla bilər. PUA bu yaxınlarda Polşa Silahlı Qüvvələrinin inventarına daxil olmaq üçün bütün lazımi sınaq və sertifikatlaşdırma mərhələlərini keçib.

Sevinc Əliyeva

Mənbə: ordu.az