Vatsapda YENİLİK: sadəcə bir dəfə...

Vatsapda YENİLİK: sadəcə bir dəfə...

Vatsap “İCloud Drive” ehtiyatına icazəsiz girişin qarşısını almaq üçün addım atıb.

Publika.az xəbər verir ki, istifadəçilər bundan sonra gələcək ehtiyat nüsxələri şifrələmək üçün istifadə olunacaq yeni şifrə təyin edə biləcək.

“WABetaInfo” bu yenilik barədə ötən il məlumat versə də, bu gün iOS və “Android” əməliyyat sistemlərində necə işləyəcəyinə dair ekran görüntülərini paylaşıb.

Tətbiq ehtiyat nüsxələrin çıxarılmasından sonra istifadəçidən telefon nömrəsini təsdiqləməsini və ən azı 8 simvol uzunluğunda bir şifrə seçməsini istəyəcək. Vatsap unudulmuş şifrələri bir daha bərpa edə bilməyəcəyi barədə xəbərdarlıq da edir.

Hazırda Vatsapda söhbətlər şifrələnir və yalnız göndərənlə göndərilən tərəfindən görünə bilir. Lakin xidmət bu mühafizənin “Google Drive” və “iCloud”da saxlanılan onlayn ehtiyatlara tətbiq olunmayacağı barədə xəbərdarlıq edir.

Şifrəli nüsxələr nəzəri olaraq hər kəsin sizin izniniz olmadan söhbət tarixçənizə girişinin qarşısını alacaq.

Mənbə: publika.az