Yer kürəsində həyatın olmadığı yeganə yer – Elm adamları sirri üzə çıxardı

ABŞ-ın Kolorado Universitetinin alimləri tərəfindən aparılan araşdırmada Yer kürəsində ilk dəfə həyat olmayan torpaqların aşkar edildiyi bildirilib.

Teleqraf.com xəbər verir ki, Antarktidada aparılan araşdırmada qitənin içərisindəki dağlardan götürülən torpaq nümunələrində canlı DNT aşkarlanmadığı və buna dünyada ilk dəfə rast gəlindyi deyilib.

ABŞ Milli Elm Fondu tərəfindən maliyyələşdirilən araşdırmada torpaq nümunələri 2018-ci ilin yanvar ayında Transantarktik dağların ucqarına ekspedisiya zamanı götürülüb.

Nümunələrdə canlı orqanizmin əlamətləri tapılmayıb. Götürülün torpaqda mikrob DNT-nı araşdırmaq üçün polimeraz zəncirvari reaksiya (PCR) adlanan metoddan istifadə edilərkən 204 nümunənin test edildiyi bildirilib.

Soyuq ərazilərdən alınan nümunələrin hamısında çox həcmdə DNT aşkar etdiklərini bildirən tədqiqatçılar daha yüksək yerlərdən götürülən nümunələrin 20 faizində həyat əlaməti tapılmadığını söyləyiblər.

Kolorado Universitetinin torpaqları tədqiq edən elm adamı Noa Feyrer deyib: “Həmişə deyilirdi ki, mikroblar hər yerdə yaşaya bilərlər, bunun üçün dayanıqlıdırlar. Amma götürülən nümunələrdə heç bir mikrob həyatı yoxdur”.

Araşdırmanın Marsın səthindəki tədqiqata bənzədiyi vurğulanıb.

Teleqraf.com

ƏVVƏLKİ XƏBƏR

Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı

SONRAKI XƏBƏR

Mis filizləri və konsentratlarının istehsalı artıb