İngiltərədə koronavirusun yeni ştammı olan "Delta Plus"a yoluxma halları aşkarlanıb. Azvision.az xəbər verir ki, bu barədə xarici KİV-lər məlumat yayıb. Məlumata görə, yeni ştammla bağlı ən azı 41 yoluxma hadisəsi bəlli olub. Ümumilikdə isə ölkədə "Hindistan ştammı"na (ÜST-nin yeni təsnifatına görə "Delta" ştammı-red.) 75 953 yoluxma halı qeydə alınıb.

Qeyd edək ki, koronavirusun "Delta" ("Hindistan ştammı"-red.)versiyası ilk dəfə Hindistanda keçən ilin oktyabr ayında aşkar edilmişdir.
Ölkədə yeni mutasiyaya uğramış virus növü olan "Delta Plus" isə bu günlərdə surətlə artmağa başladı. Həkimlər yeni versiyanın ağciyərə daha tez və güclü təsir etdiyini deyirlər.

Tural Tağıyev
 

Mənbə: azvision.az