ChatGPT-ni yaradan şirkətin rəhbəri istefaya göndərildi

ChatGPT-ni yaradan şirkətin rəhbəri istefaya göndərildi

ChatGPT-nin yaradıcısı “OpenAI”​ şirkətinin Baş direktoru Sem Altman istefaya göndərilib. 

“Qafqazinfo” TASS-a istinadən xəbər verir ki, bu barədə məlumatı şirkət yayıb. 

Məlumatda S.Altmanın Baş direktor vəzifəsini və Direktorlar Şurasını tərk edəcəyi qeyd olunub.

Bildirilir ki, Baş direktorun istefaya göndərilməsinə səbəb onun şura ilə münasibətlərdə heç də həmişə səmimi olmamasıdır: “Şuranın artıq onun OpenAI şirkətinə rəhbərlik etmək bacarığına inamı yoxdur”. 

Altmanın səlahiyyətlərini müvəqqəti olaraq şirkətin texnologiyalar üzrə direktoru Mira Murati icra edəcək.

Mənbə: qafqazinfo.az