Türkiyənin Müdafiə Sənayesi Komitəsinin sədri İsmayıl Dəmir ölkənin Hava Hücumundan Müdafiə (HHM) layihələri ilə bağlı açıqlamalar verib. Ordu.az xəbər verir ki, bu barədə o, “Kanal 7” telekanlına verdiyi müsahibəsi zamanı danışıb.

“Korkut”, “Sungur”, “Hisar-A+”, “Hisar-O+” və “Siper” layihələrinə toxunan Dəmir “Siper”dən əvvəl daha bir HHM sisteminin istehsalının açıqlanacağını bildirib.

““Siper” HHM Sisteminə gedən yolda başqa bir məhsul buraxılacaq. Bunu tezliklə elan edəcəyik”, - deyə o qeyd edib.

Dəmirin qeyd etdiyi yeni HHM sisteminin 100 kilometrlik mənzilli raket olduğu təxmin edilir.

O qeyd edib ki, “Siper” HHM sisteminin 2023-cü ilin sonuna qədər istifadəyə veriləcəyini ümid edir.

Beləliklə, Türkiyənin milli təbəqəli HHM çətiri belə olacaq:

Çox qısa məsafədə “Korkut”

Qısa məsafədə “Sungur” bə “Hisar-A+”

Orta məsafədə “Hisar-O+”

100 kilometr mənzilli uzun mənzilli raket.

Sevinc Əliyeva
Ordu.az

Mənbə: ordu.az