Pakistan "Şahin-1A" yer-yer tipli ballistik raketini uğurla sınaqdan keçirib.
Publika.az TASS-a istinadla xəbər verir ki, bu barədə ölkənin Müdafiə Nazirliyinin (ISPR) ictimaiyyətlə əlaqələr şöbəsi məlumat yayıb.
"Sınaq uçuşu silah sisteminin bəzi dizayn və texniki parametrlərini yenidən yoxlamaq məqsədilə həyata keçirilib", - press-relizdə deyilir.
"Şahin-1A" raketi "Şahin-1"in daha geniş məsafəni məhv edən və dəqiqliklə təkmilləşdirilmiş versiyasıdır. O, 900 km-ə qədər məsafədə hədəfləri vura və həm nüvə, həm də adi döyüş başlıqlarını daşıya bilir.
Hüseyn
Mənbə: publika.az