Çinin Quançjou şəhərindəki Virusologiya İnstitutunun və Çjunşan Tibb Məktəbinin alimləri “COVID-19”-a qarşı universal peyvənd hazırlamaq üçün anti-cisim kəşf ediblər.
EDNews.net İsaril mediasına istinadla xəbər verir ki, bu haqda “BioRxiv” profil resursu yazıb.
Mütəxəssislərin fikrincə, “35B5” monoklonal anti-cismi müxtəlif növ koronavirus ştammlarını effektiv şəkildə zərərsizləşdirə bilir.
Bildirilir ki, “35B5” anti-cismi krioelektron mikroskopdan istifadə edilən təcrübələr zamanı aşkar edilib., O, xüsusən koronavirusun mutasiya prosesi zamanı dəyişməyən unikal hissəsinə təsir göstərir.
Alimlər hesab edirlər ki, bu fakt müxtəlif ştammlardan, o cümlədən bu yaxınlarda müəyyən edilmiş “Omicron”dan qoruyacaq universal peyvənd yaradılmasına imkan verəcək.
Həmçinin, “35B5” anti-cisminin koronavirus xəstəliyini ağır formada keçirmiş bir xəstənin qanından alındığı qeyd edilir.
Xatırladaq ki, “Omicron” ştammının artıq dünyanın 20-yə yaxın ölkəsində yayıldığı məlumdur.
Mənbə: ednews.net