ÜST: 22 ölkədə naməlum mənşəli hepatit aşkarlanıb

İyirmi iki ölkədə indiyədək uşaqlarda mənşəyi məlum olmayan 250-yə yaxın hepatit qeydə alınıb.

"Report" TASS-a istinadən xəbər verir ki, bunu Ümumdünya Səhiyyə Təşkilatının (ÜST) baş elmi işçisi Filippa İsterbruk deyib.

"Mənşəyi məlum olmayan hepatitlərin aşkar olunduğu ölkələrin əksəriyyəti Avropa regionundadır. Bir sıra hallar da təsdiqini gözləyir".

İsterbruk bildirib ki, altı uşaq bu hepatitdən ölüb və 26 uşaq qaraciyər transplantasiyasına ehtiyac duyur.

Ekspertin sözlərinə görə, ÜST xəstəliyin səbəblərini öyrənməyə davam edir və bu məsələdə müxtəlif ölkələrlə fəal əməkdaşlıq edir.

Mütəxəssislər koronavirusa qarşı peyvəndlə əlaqəni müəyyən etməyiblər və əsas fərziyyələr adenovirus və koronavirusla bağlıdır.

Report.az

ƏVVƏLKİ XƏBƏR

Aydın Mirzəzadə: “Bəlkə polisin təmkinlilik göstərməsinə hazır olmayıblar?”

SONRAKI XƏBƏR

Moskva vilayətində avtomobil partlayıb: Yaralananlar var, sakinlər təxliyə olunublar - FOTO