B-21 "Raider" bombardmançısının uçuşdan əvvəl sınaqları tamamlanır

Pentaqonun ən böyük müdafiə podratçılarından biri "Northrop Grumman", ən son B-21 "Raider" strateji bombardmançı təyyarəsinin uçuş öncəsi sınaqlarını tamamlayır. “Tekhkult” yazır ki, ilk uçuş gələn ilə planlaşdırılıb.

2014-cü ildə istifadəyə verilmiş B-21 proqramının məqsədi ABŞ Hərbi Hava Qüvvələrinin strateji donanmasını əsaslı şəkildə təkmilləşdirməkdir. Şübhəsiz ki, veteran B-52 strateji bombardmançı təyyarəsi və onun daha "gənc" həmkarları olan B-1 və B-2 dəyişdirilməlidir.

B-21-in xüsusiyyətləri gizli saxlanılır. Yalnız məlumdur ki, bombardmançı gizlilik qabiliyyətini, səsdən aşağı sürətlə uçmaq qabiliyyətini təkmilləşdirib və B-2-dən xeyli ucuz, texniki xidməti də asan olacaq.

Korpusun yük sınaqları, cihazların nizamlanması (kalibrlənməsi), gövdənin müxtəlif sürətlərə davamlılığı, habelə uçuş alt sistemlərinin sınaqları yaxın vaxtlarda başa çatdırılmalı, bundan sonra radiodalğaları udan örtük tətbiq olunacaq.

Hazırda "Northrop Grumman"-ın montaj sexlərində altı B-21 var. İlk tam hazır maşının bu ilin sonuna qədər təqdim ediləcəyi gözlənilir.

Moderator.az

ƏVVƏLKİ XƏBƏR

Bu, çətin və qanlı müharibə olacaq – ukraynalı general

SONRAKI XƏBƏR

İranın Baş Qərargah rəisi ordunun məxfi yeraltı PUA bazasına baş çəkib