Arktika dünyanın digər hissəsindən dörd dəfə daha sürətlə istiləşir

Arktika bölgəsində temperatur qlobal orta göstəricidən təxminən dörd dəfə sürətlə yüksəlir. Bu barədə "Aamulehti" qəzeti Finlandiyanın Meteorologiya İnstitutunun araşdırmasına istinadən məlumat yayıb. İnstitutun elmi işçisi Mika Rantanen bildirib ki, 1979-cu ildən 2021-ci ilə qədər Arktikada istiləşmə tempi on ildə orta hesabla 0,75 dərəcə selsi təşkil edib. Bu göstərici qlobal orta göstəricidən dörd dəfə çoxdur.

O, əlavə edib ki, Arktikanın istiləşməsinə dair əvvəlki tədqiqatlar regionda iqlim dəyişikliyinin miqyasını kobud şəkildə qiymətləndirməyib. Fin alimləri həmçinin Uzaq Şimalın bəzi bölgələrində temperaturun daha da sürətlə yüksəldiyini müəyyən ediblər. Xüsusilə, Barents dənizinin üzərindəki atmosfer dəniz buzunun rekord dərəcədə kiçilməsi səbəbindən yeddi dəfə daha intensiv istiləşib.


 

Azvision.az

ƏVVƏLKİ XƏBƏR

SON DƏQİQƏ: Qalatasaraydan Belottiyə yeni təklif gəldi

SONRAKI XƏBƏR

Bank müdiri girov götürüldü