Adobe Analytics-in məlumatına görə, amerikalılar "Qara Cümə" (Black Friday) onlayn alış-verişləri üçün rekord məbləğ - 9,12 milyard dollar xərcləyiblər.

Marja xəbər verir ki, bu rəqəm əvvəlki ilin səviyyəsindən 2,3% yüksək olub və 2020-ci ildə müəyyən edilmiş əvvəlki rekordu (9,03 milyard dolları) keçib.

 

Elektron malların satışı 2022-ci ilin oktyabr ayının orta günü ilə müqayisədə 221%, oyuncaqlar və idman avadanlıqlarının satışı müvafiq olaraq 285% və 218% artıb.

“Qara cümə”də onlayn alış-verişlərin təxminən yarısı – 48%-i smartfonlar vasitəsilə həyata keçirilib.

Şirkətin aparıcı analitiki Vivek Pandya deyib: “Qara Cümə günü onlayn xərcləmə rekordunun qırılmasına baxmayaraq, biz istehlakçıların daha qənaətcil davranışının getdikcə daha aydın əlamətlərini görürük”.

Bir çox alıcı qiymət artımı və inflyasiya səbəbindən hissə-hissə ödəmə təklifini qəbul edib.

"Şükran günü"ndən (Thanksgiving Day) sonra gələn "Qara Cümə" günü Amerikada pərakəndə satışlarda böyük endirimlər təklif edilir.

Analitiklər "Kiber ​​​​Bazar ertəsi" (Cyber Monday) günü daha aktiv onlayn satışlar gözləyirlər. Adobe-nin proqnozlarına görə, satışın həcmi 11,2 milyard dollara çatacaq ki, bu da ötən illə müqayisədə 5,1% çoxdur.

Mənbə: marja.az